ربيت ولاد اخويا 15 سنه الكاتب علي ابو الدهب

فرصة أختار!
عارف.. أنا آسف يا سارة.
أول اعتذار منه.
كرهت الكلمة دي منه.. حتة مني كانت عايزاه يغلط فيا، يزعق، يديني سبب أتخانق معاه.
بس هو فضل واقف مكانه، مستسلم لأي حاجة هعملها.
الباب اتفتح ورايا.. واحدة من البنات نادت عليا. لفيت بسرعة ب غريزة الأم جاية يا حبيبتي!.
بصيت له وقلت له الموضوع لسه مخلصش.
هز راسه وقالي أنا موجود.. رقمي مكتوب في آخر الرسالة.
مارديتش عليه.. دخلت البيت والظرف في إيدي.
الجزء الرابع المواجهة الأخيرة
فضلت واقفة في المطبخ زيادة شوية بعد ما ساعدت دورا في الفرن، كانت مصممة تعمل كيكة. البنات التانية كانوا قريبين، واحدة ماسكة موبايلها والتانية سانده على التلاجة.
حطيت الظرف على الترابيزة وقلت بلهجة حازمة لازم نتكلم.
التلاتة رفعوا عينيهم ليا.. أكيد نبرة صوتي عرفتهم إن الموضوع جد ومفهوش هزار. جيني ربعت إيدها وقالت في إيه يا سارة؟
بصيت ناحية باب البيت وقلت أبوكم كان هنا.
ليرا بربشت بعينيها وقالت باستغراب مين؟
رديت من غير لف ودوران أبوكم.
دورا ضحكت ضحكة خفيفة كأنها نكتة ماشي يا سارة، قلقتينا على الفاضي.
قلت لها بجدية خلت ملامحها تتغير في ثانية أنا بتكلم جد.
جيني اتعدلت في وقفتها الراجل اللي كنتِ واقفة معاه برا؟
هزيت راسي ب أيوه.
ليرا سألت بحرقة وليه دلوقتي؟
مسكت الظرف وقلت لهم جاب ده معاه.. عايزكم تقعدوا وتسمعوني.
قعدوا فعلًا.. وماقطعونيش ولا مرة، وده فاجئني.
شرحت لهم الرسالة الأول.. الديون، والضغوط، والقرارات اللي خدها إدوين، وليه كان فاكر إن هروبه هو اللي هيحميهم.
جيني دورت وشها في نص الكلام، وليرا ميلت لقدام بتركيز شديد، أما دورا ففضلت باصة للترابيزة وسارحة.
طلعت لهم الورق الرسمي وقلت ده كل اللي أبوكم بناه من تاني.. كل الديون والحسابات، كل حاجة اتسوت وبقت خالصة.
ليرا سحبت ورقة وقعدت تقرأها بذهول يعني ده.. بجد؟
قلت لها أيوه.
وكل ده مكتوب بأسامينا إحنا؟
هزيت راسي ب أه.
دورا اتكلمت أخيراً يعني هو مشي ببساطة.. وصلح كل حاجة.. ورجع ومعاه ورق؟
اتنهدت وما ردتش.
جيني زقت الكرسي لورا وقالت بوجع أنا مايهمنيش الفلوس.. هو ليه مارجعش بدري عن كده؟
وده كان السؤال اللي واكل عقلي أنا كمان طول الساعة اللي فاتت.. هزيت راسي وقلت لها معنديش رد غير اللي كتبه في الرسالة.
ليرا رجعت الورق مكانه بنظام وقالت بقوة إحنا لازم نتكلم معاه.
دورا رفعت راسها مخضوضة دلوقتي؟!
ليرا ردت أيوه، استنينا كتير قوي.. مش كده؟
وافقتهم.. ليرا مسكت الموبايل واتصلت، وإيدها كانت بتترعش بابا.. ممكن تيجي؟ وبعدين هزت راسها تمام.. سلام.
قالت لنا إنه في محل قريب، وهيصل هنا كمان ربع ساعة.
ال 15 دقيقة دول مفيش مخلوق نطق فيهم بكلمة.
قبل ما الوقت يخلص، الباب خبط. بصيت لبناتي في الصالة نظرة أخيرة ورحت فتحت.
كان واقف مكانه.. ولما دخل البيت، السكوت كان سيد الموقف.
ليرا هي اللي قطعت السكوت ده إنت بجد فضلت بعيد كل ده؟
إدوين بص في الأرض بكسرة وكسوف.
دورا قربت منه وقالت إنت كنت فاكر إننا مش هناخد بالنا؟ أو إن الموضوع مش هيفرق معانا؟
ملامحه اتهزت ورد بصعوبة كنت فاكر.. إنكم هتكونوا أحسن من غيري.. ومكنتش عايز أبوظ صورة أمكم في عيونكم.
جيني ردت بحدة مالكش الحق تاخد قرار زي ده بالنيابة عنا.
رد بدموع حقيقية في عينه لأول مرة عارف ده دلوقتي.. وأنا آسف جداً.
ليرا رفعت ورقة من الأوراق ده بجد؟ إنت عملت كل ده؟
رد أيوه.. اشتغلت بكل طاقتي ولأطول وقت ممكن عشان أصلح الغلط ده.
بس جيني هزت راسها برفض بس إنت فاتك كل حاجة.
رد بكسرة عارف.
كملت جيني أنا اتخرجت، وسبت البيت ورجعت، وكبرنا.. وإنت مكنتش موجود في ولا لحظة من دول.
ساد السكوت.. جيني كان لسه عندها كلام كتير بس لفت ضهرها وسكتت، وسنين الوجع كانت باينة على كتافها.
دورا قربت منه خالص وسألته هتفضل المرة دي؟
لحظة افتكرت إنه هيتردد.. بس قالها من غير تفكير لو سمحتوا لي.
محدش حضن حد، ومحدش جري عليه.. بس دورا قالت ببساطة يلا عشان نجهز العشا.
وكأن دي كانت.. الخطوة الطبيعية اللي لازم تحصل.
اتعشينا سوا.. بس كان عشا غريب. مش مشدود، بس مش متعودين عليه.
إدوين قعد في طرف الترابيزة كأنه مش عايز يضايق حد بوجوده.
دورا بدأت تسأله أسئلة بسيطة عن الشغل، وجيني اللي كانت ساكتة، بدأت تشارك في الكلام في نص القعدة.
الموضوع مكنش سهل، ولا كان فيه دفا العيلة المعتاد، بس مكنش فيه جفاء برضه.
أنا كنت مراقبة كل ده في صمت.. سبت الأمور تمشي زي ما هي، لأن دي حاجة مكنش ينفع أسيطر عليها.. ولا كان ينفع أصلاً.
بالليل خالص، بعد ما خلصنا المواعين والبيت هدي، خرجت برا.
لقيت إدوين واقف في التراس تاني.
سندت على السور وقلت له إنت لسه معاقب يا إدوين.. الموضوع مش هيعدي بالساهل.
رد بوقار عارف.
قلت له هيكون عندهم أسئلة كتير.
رد أنا جاهز.
الليلة دي، حسيت براحة ونور في قلبي مكنتش متوقعاهم.. مش عشان كل حاجة اتصلحت، بس عشان كل حاجة بقت واضحة قدامنا. مفيش أسرار تانية.
إيه اللي هيحصل بعد كده؟
لأول مرة من سنين طويلة، كنا كلنا في نفس المكان عشان نكتشف ده سوا.
انتهت